Kona sem barist hefur fyrir réttindum Ughur-minnihlutans í Xinjiang-héraði í Kína hefur verið látin laus úr fangelsi í Kína. Hún kom til Bandaríkjanna í morgun. Rebiya Kadeer, 58 ára, var tekin til fanga árið 1999 fyrir að senda dagblaðaúrklippur til eiginmanns síns sem er í útlegð í Bandaríkjunum.

Bandarísk stjórnvöld höfðu lagt mikla áherslu á að hún yrði látin laus og nú er það gert rétt áður en Condoleezza Rice, utanríkisráðherra Bandaríkjanna, kemur í heimsókn til Kína. Þau brugðust við með því að tilkynna að Bandaríkjastjórn myndi ekki leggja fram gagnrýni á Kínverja á þingi mannréttindaráðs Sameinuðu þjóðanna, SÞ, sem fundar nú í Genf í Sviss.

Bandaríkjastjórn hefur hvatt Kínverja til að láta alla samviskufanga lausa.

Mannréttindasamtök fögnuðu lausn Kadeer en sögðu að aðrir fangar sem berjast fyrir réttindum Uighur-minnihlutahópsins væru enn í fangelsi. „Lausn Rebiya Kadeer breytir ekki lögununum og aðgerðum kínverskra yfirvalda sem handtaka og setja í fangelsi friðsamt fólk,“ sagði Catherine Baber frá Amnesty International.