Maðurinn og unnusta hans voru í heimsókn hjá foreldrum hans í námunda við Wadebridge þegar ódæðið átti sér stað í lok apríl síðastliðnum. Ökumaður sjúkrabíls sem kom á staðinn var faðir stúlkunnar. Það var ekki fyrr en hann stöðvaði bílinn fyrir utan húsið gerði hann sér grein fyrir því að hin látnu voru dóttir hans og barnabarn.

Hinn seki, Christopher Adams, sem er 26 ára framkvæmdastjóri á bar, játaði á sig glæpinn og dæmdi dómarinn hann í að minnsta kosti 20 ára fangelsi, að sögn breska ríkisútvarpsins.

Talið er að Adams hafi hringt í neyðarnúmer og tilkynnt um morðin eftir að hann framkvæmdi þau. Mun hann hafa horfið að því loknu af vettvangi. Var hann á flótta í nokkra daga en var handtekinn tæpri viku síðar. Hins vegar játaði hann ekki á sig brotin fyrr en fyrr í þessum mánuði.

Morðin þykja einkar ofbeldisfull en Adams myrti unnust sína með krikketkylfu og kæfði 18 mánaða dóttur sína með plastpoka.

Ekki er vitað hvers vegna hann framdi brotin en Adams sagði, að hann hafi rifist við unnust sína kvöldið áður um þá óreglulegan vinnutíma hans. Mun hann hafa vaknað um morguninn þegar hann framdi brotin til að gefa dóttur sinni. „Þá vaknaði Claire (unnusta hans). Ég ýtti henni niður aftur,“ sagði Adams og bætti við að hann hefði tekið krikketkylfu sem hafi verið nálægt honum og barið unnust sína með henni. „Ég veit ekki hvers vegna ég gerði það,“ sagði Adams en bætti við, að hann hefði barið hana aftur.