Gasárás í Rússlandi ekki hryðjuverk að mati yfirvalda

Verslun Maksikon í St. Pétursborg.
Verslun Maksikon í St. Pétursborg. Reuters
Gashylki með kveikistilli fundust í einni af verslunum Maksidom-verslanakeðjunnar í St. Pétursborg en fyrr í dag voru tugir viðskiptavina fluttir á sjúkrahús eftir að hafa andað að sér óþekktri gastegund í versluninni. Yfirvöld telja glæpamenn hafa staðið að ódæðinu en ekki hryðjuverkamenn.

„Öryggissveitir telja frekar um spellvirki að ræða því ekkert bendir til þess að þetta sé hryðjuverk,“ sagði talsmaður öryggisþjónustu rússneska ríkisins. Árásir glæpamanna á fyrirtæki í Rússlandi eru tíðar. Tuttugu létu lífið í íkveikju í borginni Ukhta í norðurhluta landsins í júlí síðastliðnum.

Talsmaður lögreglunnar greindi frá því í dag að Maksidom hefðu borist bréf þar sem hótað var röskun á verslun keðjunnar um jólin. 78 viðskiptavinir nutu læknisaðstoðar í dag en af þeim voru 66 fluttir á sjúkrahús. 50 voru sendir heim til sín skömmu síðar að skoðun lokinni og engar fréttir hafa borist af alvarlegum veikindum þeirra sem önduðu gasinu að sér.

Undarleg hvítlaukslykt var í lofti að sögn þeirra sem önduðu gasinu að sér en fyrstu fréttir hermdu að efnið hefði verið blanda kolefnis, vetnis og súlfúrs við jarðgas. Blandan væri hættuleg andaði fólk miklu af henni að sér.

mbl.is

Frá Sýrlandi til Evrópu - Greinaflokkur

Stórar kjarrivaxnar útsýnislóðir stutt frá Reykjavík
Lóðirnar eru í kjarrivaxinni brekku sem veit mót suðri. Frábært útsýni. Heitt va...
Ertu komin í saumaskap ??
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
 
Aðalfundur
Fundir - mannfagnaðir
Ársfundur Eftirlaunasjóður starfsman...
Starfsmaður óskast
Önnur störf
Starfsmaður óskast Vegna mikilla v...
Laus störf
Önnur störf
LAUS STÖRF FYRIR RÉTTA EINSTAKLINGA ...
Félagsstarf
Staður og stund
Aflagrandi 40 Opin vinnustofa kl 9, Göng...