Búist er við því að tugir þúsunda manna taki þátt í fjöldagöngu umhverfisverndarsinna sem munu eiga sér stað í argentínska bænum Gualeguaychu. Skipuleggjendur mótmælanna segja að um fjölmennustu göngu umhverfisverndarsinna í sögu landsins sé að ræða. Kallað er eftir því að hætt verði við byggingu á tveimur pappírsmyllum á úrúgvæska hluta árinnar sem skiptir löndunum í tvennt.

Úrúgvæar segja að myllurnar verði öruggar og þeir vilji þau störf og þær fjárfestingar sem þeim fylgi.

Deilan hefur nú staðið í rúmt ár og ekkert bendir til þess að hún muni leysast í bráð.

Mótmælendur í Argentínu hafa lokað aðalbrúnni sem tengir Argentínu við Úrúgvæ. Nú hefur ríkisstjórn landsins farið með málið til Alþjóðadómstólsins í Haag.

Ríkisstjórnin segir að Úrúgvæ hafi brotið samkomulag sem nýst um verndun árinnar.

Mótmælendurnir, sem njóta stuðnings alþjóðlegra umhverfisverndunarsamtaka eins og Grænfriðunga, trúa því einfaldlega ekki að náttúrunni stafi engin ógn af myllunum, en það segja finnsku og spænsku verktakarnir sem munu reisa myllurnar.

Úrúgvæmenn vilja störfin og þá fjárfestingu sem fylgir verkefninu, en hún nemur um einum milljarði dala.

Svo virðist sem að menn nái ekki að miðla málum í deilunni, en báðir forsetar landanna hafa skotið föstum skotum hvor að öðrum vegna hennar. Kirkjunnar menn hafa verið fengnir til þess að miðla málum og þá hafa milljónir dala tapast í viðskiptum milli þjóðanna, sem alla jafna eiga í áætum samskiptum sín á milli.

Framkvæmdir við myllurnar, sem eiga að vinna úr hráefni fyrir pappírsiðnaðinn, eru þegar vel á veg komnar.

Talið er að mótmælin muni sameina mótmælendur í Argentínu og að Úrúgvæmenn verið ennþá harðari í afstöðu sinni að vinna við byggingu myllnanna eigi að halda áfram.