Hugo Chavez, forseti Venesúela, heldur fund sex ríkja í höfuðborginni Caracas í tilefni þess að landið hefur gengið í viðskiptabandalagið Mercosur. Nestor Kirchner, forseti Argentínu fundar með í dag, en forsetar Brasilíu, Úrúgvæ og Paragvæ verða svo viðstaddir athöfn þar sem Venesúelamenn ganga formlega í bandalagið. Evo Morales, forseti Bólivíu, sem er dyggur stuðningsmaður Chaves, verður einnig viðstaddur fundinn.

Innganga Venesúela í bandalagið er talið auka áhrif þess enn frekar, Venesúela er fimmti stærsti olíuframleiðandi heims, en Brasilía og Argentína eru tvö stærstu hagkerfi álfunnar. Stjórnvöld í Venesúela hafa sagt inngöngu landsins í bandalagið sögulegt skref í átt að samvinnu í Suður Ameríku og sigur yfir tillögum Bandaríkjamanna að fríverslunarsvæði í álfunni.

Chavez hefur sagt efnahagsstefnu Bandaríkjamanna skapa fátækt á svæðinu og hefur forsetinn leitt baráttu gegn því sem hann kallar heimsvaldastefnu Bandaríkjamanna.

Meðal verkefna sem forsetinn hefur beitt sér fyrir er gasleiðsla sem myndi liggja frá Venesúela, um Brasilíu og allt til Argentína, segir Chavez að slík leiðsla myndi þýða lægri orkukostnað fyrir ríkin þar sem gas kæmi í stað olíu, sem er dýrari.