Lögreglan í New Orleans rannsakar nú morð á sex mönnum sem skotnir voru til bana undanfarinn sólarhring í tveimur ólíkum árásum. Tíðni morða og ofbeldisglæpa hefur verið há í borginni undanfarna mánuði. Þrír bræður og vinur þeirra voru skotnir til bana nærri franska hverfinu s.k. og tveir aðrir skotnir niður nokkrum tímum síðar.

Í síðasta mánuði voru fimm unglingar skotnir til bana. Ástandið þykir það óöruggt að ferðamennska í borginni hafi beðið skaða af, en reynt er að byggja upp efnahag í borginni á ný eftir að fellibylurinn Katrín gekk yfir og olli gríðarlegu mann- og eignatjóni í fyrra. 78 morð hafa verið framin í borginni á þessu ári, sem er þó lægri tíðni en í borgum í Bandaríkjunum þar sem glæpir eru mjög tíðir. Þó óttast íbúar borgarinnar að hún verði aftur sú borg landsins þar sem flest morð eru framin, en þeim titli hélt hún lengi vel.