Lík þriggja barna fundust í íbúði í borginni St.Louis í Bandaríkjunum í gærkvöldi, nokkrum klukkustundum eftir að kona hafði verið ákærð fyrir að myrða móður barnanna og ófætt barn hennar. Lögregla hefur ekki sagt hvort konan sem ákærð var sé einnig grunuð um að hafa myrt börnin.

Börnin þrjú voru sjö, tveggja og eins árs. Lík þeirra fundust í íbúð í austurhluta borgarinnar, þar sem móðir þeirra, sem var 23 ára, bjó í húsnæði á vegum félagsmálayfirvalda.

Börnin sáust síðast á lífi sl. mánudag í fylgd með vinkonu móður sinnar, en vinkonan hefur nú veri ákærð fyrir morðið á móður barnanna og ófæddu barni hennar, að sögn saksóknara. Lík móðurinnar fannst í síðustu viku í austurhluta St.Louis, og hafði hún verið skorin á kvið.

Að sögn saksóknara er talið að hún hafi verið slegin í höfuðið og misst meðvitund áður en fóstrið var fjarlægt úr kvið hennar með skærum. Morðið hafi verið einkar blóðugt og svívirðilegt.

Verði konan sem ákærð hefur verið fundin sek gæti hún átt dauðarefsingu yfir höfði sér.