Benedikt páfi hefur fundað með sendifulltrúum múslímaríkja en tilgangur fundarins var að draga úr þeirri spennu sem hefur myndast á milli kaþólsku kirkjunnar og Íslamstrúar. Páfi sagði að hann bæri „algjöra og djúpstæða“ virðingu fyrir trúarbrögðum múslíma og hann sagði að orðræða milli trúarbragðanna væri nauðsynleg fyrir framtíðina.

Fundinum var ætlað að sætta menn í kjölfar ummæla páfa sem ollu gríðarlegri reiði meðal margra múslíma.

Leiðtoga múslíma hafa krafist þess að páfi bæðist afsökunar á ummælum sínum.

Fundurinn var haldinn í bústað páfa nærri Róm.

Sendifulltrúar frá 21. landi og fulltrúar frá Arababandalaginu voru viðstaddir fundinn.

„Í dag vil ég leggja áherslu á algjöra og djúpstæða virðingu mína fyrir öllum múslímum,“ sagði páfi við sendifulltrúana.

Hann kallaði eftir orðræðu einlægni og virðingar og bætti því við að kristnir menn og múslímar verði að hafna öllum birtingarmyndum ofbeldis.

Þá vitnaði Benedikt til orða Jóhannesar Páls, forvera síns, þegar hann sagði að það væri þörf á „gagnkvæmni á öllum sviðum“.

Eftir að hafa haldið stutta ræða heilsaði páfi hverjum sendifulltrúa fyrir sig áður en hann lauk fundinum.