Bíl- og vegasprengjur springa nánast daglega í Írak. AP

Fjórir létust og fimm særðust þegar nokkrar sprengjur sprungu við bílaþjónustufyrirtæki í austurhluta Bagdad í dag.

Tveir lífverðir Hamed al-Shammari, sem er háttsettur embættismaður í menntamálaráðuneytinu, létust þegar sprengja sprakk þar sem bílalest Shammari ók eftir götu í Bagdad. Tveir lífverðir særðust að auki.

Tveir óbreyttir borgarar létust þegar önnur vegasprengja sprakk nærri tækniháskóla borgarinnar. Einn særðist.

Þá skutu byssumenn lækni sem starfaði á Yarmuk sjúkrahúsinu í Bagdad.

Í Hilla, sem er suður af Bagdad, lést ein kona þegar bílsprengja sprakk á markaði og þar særðust 13 að auki, þar á meðal nokkrar konur og börn að sögn lögreglu.

Í borginni Diwaniyah var íraskur hermaður skotinn til bana, og á sama tíma lést annar hermaður þegar vegasprengja sprakk í sjítaborginni Kut.

Þá hafa tvo lík fundist við ána Tígris nærri Kut.

Maliki sagði í gær að yfirmenn Írakshers muni fá auknar valdheimildir í sínar hendur til þess að grípa til skjótra aðgerða í baráttu við ofbeldið í höfuðborginni.

Yfirlýsingin Malikis kom á sama tíma og George W. Bush Bandaríkjaforseti var að leggja lokahönd á hernaðaráætlun sem ætlað er að draga úr ofbeldinu í Írak.