Bandaríska leikkonan Jane Fonda steig á sviðið á mótmælafundi gegn Íraksstríðinu, sem haldinn var í Washington í gær. Sagði Fonda, að þetta væri í fyrsta skipti sem hún hefði mótmælt stríði í 34 ár en hún gæti ekki lengur þagað. Tugir þúsunda tóku þátt í mótmælafundinum framan við bandaríska þinghúsið. Skipuleggjendur fundarins sögðu að hálf milljón manna hefði sótt hann.

Fonda beitti sér á sínum tíma gegn stríðinu í Víetnam og heimsótti m.a. Hanoi árið 1972, mörgum Bandaríkjamönnum til mikillar gremju.

Fundurinn var haldinn til að lýsa stuðningi við ályktunartillögu, sem lögð hefur verið fram í öldungadeild Bandaríkjaþings þar sem fordæmd er sú ákvörðun Bandaríkjaforseta að fjölga hermönnum í Írak. Fundargestir hrópuðu m.a: Sendið hermennina heim.

Fleiri leikarar tóku þátt í fundinum, þar á meðal Sean Penn, sem sagði að Bandaríkjamenn dæju í Írak á meðan fundurinn væri haldinn. „Við munum halda áfram aðgerðum þar til þessi ályktun verður bindandi, skrúfað verður fyrir peningana og hermennirnir koma heim.

Talsmaður Hvíta hússins sagði, að Bush forseti að málfrelsi væri mikilvægasta frelsið, sem stjórnarskrá landsins tryggði. Hann skildi, að Bandaríkjamenn vildu sjá fyrir endann á Íraksstríðinu og ný stefna, sem hefur verið kynnti, eigi að tryggja það.