Erlent | mbl | 12.3.2007 | 10:24

Yfirvöld í Súdan fordæmd vegna ástandsins í Darfur

Átökin í Darfur bitna einna helst á óbreyttum borgurum. Reuters

Rannsóknaraðilar á vegum Sameinuðu þjóðanna hafa gagnrýnt yfirvöld í Súdan harðlega fyrir mannréttindabrot í Darfur, þar á meðal fyrir morð, fjölda nauðganir og mannrán.

Yfirmaður rannsóknarteymisins sagði jafnframt að viðbrögð alþjóðasamfélagsins við neyðarástandinu í Darfur hefðu verið „aumkunarverð“.

Skýrsla um ástandið verður birt á sama tíma og mannréttindaráð SÞ mun hefja þriggja vikna fundarlotu í Gefn í Sviss.

Að minnsta kosti 200.000 manns eru talin hafa látið lífið í átökunum í Darfur, sem staðið hafa yfir undanfarin fjögur ár. Þar að auki hafa milljónir íbúa misst heimili sín.

Súdönsk stjórnvöld meinuðu sendifulltrúum SÞ að heimsækja Darfur. Þeir ræddu hinsvgar við flóttamenn og hjálparstarfsmenn á svæðinu.

Sendifulltrúarnir fimm ferðuðust til Chad, sem er nágrannaríki Súdans, en margir flóttamenn hafa flúið þangað. Þá hafa átökin í Súdan teygt anga sína til landsins.

Erlent »

Fyrirtækin slást um verkfræðingana

16:56 Verkfræðingar í Noregi vaða í atvinnutilboðum. Í gær slógust um 100 tæknifyrirtæki um nýútskrifaða verkfræðinga frá Norska tækniháskólanum (NTNU). Meira

Ekki dugði einn krani til að lyfta fiskinum.

Risaháfur á land

16:50 Hann er engin smásmíði risaháfurinn sem pakistanskir hafnarstarfsmenn hífðu á land í Karachi í vikunni. Risaháfurinn fannst dauður í höfninni og var seldur hæstbjóðanda á 2,3 milljónir króna. Meira

Ævisaga Pútíns skyldulesning

Pútín stefnir á sigur í forsetakosningum 4. mars næstkomandi.

16:31 Nokkrir skólar í Rússlandi hafa fengið opinber hvatningu um að fjárfesta í eintökum af bók um æsku- og skólaár Vladimir Putin, sem búist er við að snúi aftur í forsetastól í mars. Bókin ber heitið„Vladimir Putin. Foreldrar. Vinir. Kennarar“ og kom út árið 2004. Meira

Refsilaus mynd með nasistafána

15:36 Hópur af bandarískum hermönnum, sem lét smella af sér mynd með vopn á lofti við hliðina á nasistafána, hefur fengið aðvörun fyrir athæfi sitt en verður ekki refsað. Þetta kom fram í tilkynningu frá bandaríska hernum í gær. Meira

Vill herskyldu fyrir konur

15:13 Espen Barth Eide, varnarmálaráðherra Noregs, segist íhuga að leggja til að konur gegni herskyldu til jafns við karla. Hann segir að eðli hermennsku hafi breyst og nú skipti þættir á borð við að geta hugsað kerfisbundið meira máli en líkamlegur styrkur. Meira

Átök á götum Aþenu

Lögreglumaður í óeirðabúningi sparkar í liggjandi mótmælanda í Aþenu í dag.

15:40 Átök brutust út í dag í miðborg Aþenu, höfuðborg Grikklands, á milli mótmælenda og lögreglumanna. Mikil reiði ríkir í samfélaginu vegna ákvörðunar stjórnvalda að láta undan þrýstingi ráðherra í evruríkjunum og leggja blessun sína yfir frekari aðhaldsaðgerðir. Meira

Þrír látnir og tveir særðir eftir gíslatöku

15:33 Þrír eru látnir og tveir alvarlega særðir eftir gíslatöku á gistisvæði fyrir húsbíla á Flórída seint í gærkvöldi. Meira

Verkföll fyrir kjötkveðjuhátíð

Slökkviliðsmenn, fangaverðir og lögreglumenn mótmæla nú í Ríó.

15:07 Hundruð lögreglu- og slökkviliðsmanna lögðu niður vinnu í Ríó í Brasilíu í dag og kröfðust betri kjara. Aðeins er ein vika þar til kjötkveðjuhátíðin hefst en herlögregla á svæðinu hefur tilkynnt að allar sveitir hennar starfi eðlilega. Meira

Ungir Rússar taka eigið líf

Sjálfsmorðstíðni ungmenna í Rússlandi er há.

14:50 Sjálfsmorðstíðni rússneskra ungmenna fer stöðugt vaxandi og er næstum því þrefalt hærri en meðaltalstölur fyrir heiminn sýna. Fjögur þúsund ungir Rússar á aldrinum 15-19 ára taka eigið líf á hverju ári. Meira

Lögsæki ekki dómara

Stuðningsmaður Garzóns sýnir myndir af meintum fórnarlömbum Franco-stjórnarinnar.

14:32 Mannréttindafulltrúi Sameinuðu þjóðanna lýsti í dag yfir áhyggjum sínum vegna sakfellingar spænska rannsóknardómarans Baltasar Garzón sem dæmdur hefur verið fyrir að misnota valdheimildir sínar við rannsóknir á stjórnarglæpum frá Franco-tímanum. Meira

Fraus í hel

14:40 Rúmlega fertug kona fannst frosin í hel í helli í nágrenni Rómar á Ítalíu í dag en talið er að hún hafi leitað skjóls í hellinum í fimbulkulda. Meira

Segir minni tiltrú á SÞ

14:02 Abdullah, konungur Sádi-Arabíu, segir tiltrú heimsins á Sameinuðu þjóðunum hafa minnkað eftir að öryggisráði SÞ mistókst að fá samþykkta ályktun um að fordæma aðgerðir sýrlenskra stjórnvalda gagnvart óbreyttum borgurum. Meira

Seldi CIA gögn um rússneskar eldflaugar

14:00 Rússneskur geimverkfræðingur var dæmdur í 13 ára fangelsi í dag fyrir að selja bandarísku leyniþjónustunni leynilegar upplýsingar um eldflaugar Rússa. Meira

Spilling verður N-Kóreu að falli

Kim Jong-Un yngsti sonur Kim Jong-Il og nýr leiðtogi Norður-Kóreu heilsar hermönnum.

12:13 Elsti sonur Kim Jong-Il heitins segir að mútur og spilling séu allsráðandi í Norður-Kóreu og muni verða ríkinu að falli. Tölvupóstsamskipti hans við japanskan blaðamann voru opinberuð í dag. Hann segir unga N-Kóreubúa reyna að fara á svig við ofríkið og enginn hafi stjórn á hernum. Meira

Leggja niður störf og mótmæla

Mótmælendur komu saman við gríska þinghúsið í gær.

11:36 Tveggja sólarhringa verkfall hófst í Grikklandi í dag. Verkalýðsfélög standa fyrir aðgerðunum en verið er að mótmæla þeim aðhaldsaðgerðum sem grískir stjórnmálamenn hafa lagt blessun sína yfir vegna þrýstings frá alþjóðlegum lánardrottnum. Meira

Fræg bygging eldi að bráð

13:26 Um tvö hundruð slökkviliðsmenn í frönsku borginni Marseille börðust í nótt við eldsvoða í íbúðarblokkin La Cite Radieuse en blokkin er eitt þekktasta verk fransk/svissneska arkitektsins Le Corbusier. Meira

Enn gýs í Eldhringnum

11:46 Brennheit aska spýttist tvo kílómetra upp í loftið þegar eldgos hófst í Lokon-eldfjalli á eyjunni Sulawesi í Indónesíu í morgun. Í Meira

Tvær bílasprengjur í Sýrlandi

11:12 Tvær kraftmiklar bílasprengjur sprungu í Aleppo, næststærstu borg Sýrlands, í dag. Í ríkisfjölmiðlum í Sýrlandi kom fram að 25 hefðu látist í sprengingunum og 175 særst. Fram kom að fyrri sprengingin hefði verið sjálfsmorðsárás á lögreglustöð. Síðari sprengingin hefði verið fyrir framan herstöð. Meira