Indjánahöfðingjar og fyrrverandi geimfari í 1.200 metra hæð yfir Miklagljúfri

Indjánahöfðingjar, fyrrverandi geimfari og fleiri boðsgestir stigu í gær út á nýjan skeifulaga útsýnispall sem skagar út yfir Miklagljúfur í Bandaríkjunum, en í gegnum glergólf pallsins má sjá um 1.200 metra niður í gljúfrið.

Pallurinn, sem heitir Grand Canyon Skywalk, skagar 21 metra út yfir brún gljúfursins. Meðal fyrstu manna sem fetuðu sig út á pallinn var Buzz Aldrin, sem varð næstfyrstur manna til að stíga fæti á tunglið. Einnig skoðuðu pallinn höfðingjar úr Hualapai indjánaþjóðflokknum, sem veitti leyfi fyrir því að pallurinn yrði reistur.

Fjölmiðlamenn fengu einnig að skoða útsýnið í gær, en pallurinn verður opnaður almenningi 28. mars.

• 6 blogg um fréttina

Bloggað um fréttina

• Páll Jakob Líndal: Fínn pallur
• Solveig Pálmadóttir: Dúddamía!
• Brosveitan - Pétur Reynisson: Fín viðskiptahugmynd sem ég ætla einnig að nota, selja aðgang …
• Róbert Björnsson: $200 aðgangsmiði
• Úlfar Þór Birgisson Aspar: Usss ekki vildi ég detta þarna niður.
• Sigfús Sigurþórsson.: Stórkostlegasta náttúrusmíð heims.