Öryggisráðið lýsir „alvarlegum áhyggjum“ af töku bresku sjóliðanna

Öryggisráð Sameinuðu þjóðanna samþykkti í kvöld yfirlýsingu þar sem lýst er „alvarlegum áhyggjum“ af handtöku Írana á 15 breskum sjóliðum, og írönsk stjórnvöld eru hvött til að leyfa breskum sendiráðsstarfsmönnum að hitta sjóliðana.

Bretar höfðu farið fram á að ráðið krefðist þess að sjóliðarnir yrðu tafarlaust látnir lausir, en Rússar kváðust ekki geta fallist á þau tilmæli Breta, að því er haft var eftir vestrænum stjórnarerindreka.

Sendiherra Rússa hjá Sameinuðu þjóðunum, Vítalí Tsjúrkín, greindi frá þessari afstöðu rússneskra yfirvalda á lokuðum samráðsfundi.

• 2 blogg um fréttina

Bloggað um fréttina

• Jón Ingi Cæsarsson: Hönnuð atburðarás ?
• Helgi Jóhann Hauksson: Íranir skapa nýtt gíslatökumál eins og 1979