4 milljónir Íraka hafa þurft að flýja heimili sín vegna ofbeldis í landinu. Þorkell Þorkelsson

Fjöldi íraskra flóttamanna í öðrum löndum eru nú um 2.2 milljónir að sögn Jennifer Pagonis, talskonu flóttamannanefndar SÞ. Aðrar tvær milljónir sem flúið hafa heimili sín eru enn staðsettar í landinu, í sífellt fátæklegri kofabyggðum.

Pagonis segir flóttamannanefndina fá „truflandi fréttir“ af yfirvöldum einstaka héraða sem gera lítið til þess að útvega flóttamönnum mat, húsaskjól eða aðra grunnþjónustu. Rúmlega helmingur átján héraðsstjóra í Írak reyna koma í veg fyrir að húsnæðislaust fólk flytji inn á þeirra svæði með því að stoppa það við eftirlitsstöðvar eða neita því um mataraðstoð og aðra grunnþjónustu.

Eftirlitsstöðvum fjölgar í norðurhéruðum Íraks, sérstaklega meðfram „grænu línunni“ sem markar skilin milli kúrdískra svæða og annarra. Flóttamenn eru einnig stoppaðir á vegunum til borganna Karbala og Najaf, suður af Bahdad, sem álitnar eru heilagar af Shia múslimum. Þótt eftirlitsstöðvarnar hafi upphaflega verið settar á laggirnar af öryggisástæðum eru þær í auknum mæli notaðar til þess að hindra húsnæðislausa Íraka í því að ferðast um landið.

Nauðflutningur úr opinberum byggingum er algengur, bætir Pagonis við og helmingur allra húsnæðislausra hefur engan aðgang að opinberum matardreifingum.

Hún segir um 30.000 Íraka flýja til Sýrlands í hverjum mánuði, sem hýsir nú 1,4 milljónir íraskra flóttamanna. Önnur 750,000 hafa flúið til Jórdaníu. Nágrannalönd Íraks hafa tekið við flóttamönnum, en fáum Írökum hefur verið boðið til annarra landi, sérstaklega fáum til Evrópu. Bandaríska ríkisstjórnin hefur lofað því að leyfa 7,000 Írökum að setjast að í Bandaríkjunum og fjárhagsaðstoð við nágrannaríki Íraks sem taka á móti flóttafólki.

Flóttamannanefnd Sameinuðu þjóðanna vonast að útvega 20,000 Írökum heimili á árinu.