Hús til sölu fyrir 10 milljarða

Hús í Beverly Hills í Kalíforníu hefur verið auglýst til sölu fyrir 165 milljónir dala, jafnvirði rúmlega 10 milljarða króna, og mun húsið þar með vera dýrasta einbýlishús í Bandaríkjunum. Húsið var byggt á þriðja áratug síðustu aldar en blaðakóngurinn William Randolph Hearst keypti það árið 1947 og bjó í því um tíma.

Í húsinu eru 29 svefnherbergi, þrjár sundlaugar, tennisvellir, kvikmyndasalur og næturklúbbur. Núverandi eigandi hússins er lögmaðurinn og fjárfestirinn Leonard Ross, sem keypti það árið 1976. Hann ætlar nú að breyta um lífsstíl, að sögn umboðsmanns hans.

• 3 blogg um fréttina

Bloggað um fréttina

• Halla Signý Kristjánsdóttir: kannski ekki alveg svona hús
• Þorsteinn Gunnarsson: Maður nennti ekki einu sinni að ganga það á enda
• Billi bilaði: Þetta hús kaupir ekki hver sem er...