Ahmadinejad fær ekki að heimsækja Ground Zero

Yfirvöld í New York í Bandaríkjunum hafa hafnað beiðni Mahmoud Yfirvöld í New York í Bandaríkjunum hafa hafnað beiðni Ahmadinejad Íransforseta um að fá að heimsækja svæðið þar sem Tvíburaturnarnir stóðu fyrir hryðjuverkaárásina þann 11. september árið 2001. Forsetinn mun koma til Bandaríkjanna á sunnudag til að ávarpa allsherjarþing Sameinuðu þjóðanna. Þetta kemur fram á fréttavef BBC.

Talsmaður borgarinnar segir svæðið vera lokað byggingasvæði og að ekki sé tekið á móti gestum þar. Þá segir hann öryggisatriði mæla gegn því að Ahmadinejad komi á staðinn.

Ahmadinejad hafði sérstaklega beðið um að fá að heimsækja svæðið og Gordon Johndroe, talsmaður Hvíta hússins í Washington, hafði lýst því yfir að Bandaríkjastjórn þætti eitthvað meira en lítið bogið við það að leiðtogi ríkis sem styðji hryðjuverk setji fram slíka bón.

Þá hafði Zalmay Khalilzad, sendiherra Bandaríkjanna hjá Sameinuðu þjóðunum sagt að Ahmadinejad yrði ekki leyft að nota staðinn fyrir áróðurs og ímyndarmyndatökur

• 2 blogg um fréttina

Bloggað um fréttina

• Björn Heiðdal: Íran stóð fyrir 11. september.
• Gísli Foster Hjartarson: Að sjá skrattann í hverju horni