Netsamband við Myanmar rofið

Aðalnettenging Myanmar við umheiminn hefur rofnað. Samkvæmt starfsmanni hjá símafyrirtæki landsins er ástæðan skemmd á neðansjávarkapli. AFP fréttastofan skýrði frá þessu fyrir skömmu en ekki er vitað hvort aðrar tengingar eru virkar og eða hvort yfirvöld hafi viljandi rofið sambandið.

Blaðamenn á fréttavef BBC segja að aðgerðir herstjórnarinnar séu farnar að hafa áhrif á flæði mynda af mótmælunum. Færri ljósmyndir og fréttamyndskeið hafa verið send beint frá fólki í Myanmar.

Einnig hafa borist fregnir af því að farsímaloftnet séu hætt að virka og símalínur heim til erlendra blaðamanna hafi verið rofnar.

• 1 blogg um fréttina

Bloggað um fréttina

• Ágúst H Bjarnason: Búrma: Hvar er alþjóðasamfélagið? Hvar eru Sameinuðu þjóðirnar?