Hjón drukknuðu er þau reyndu að bjarga börnunum sínum

Bresk hjón drukknuðu ásamt annarri breskri konu og þýskum manni er þau reyndu að bjarga þremur börnum frá sterkum straumum fyrir utan baðströnd skammt frá bænum Sagres í Algarve í Portúgal í gær. Börnunum skolaði á land skömmu síðar með minniháttar meiðsl.

Breskir fjölmiðlar skýra frá því að björgunarbátur frá Sagres hefði fundið eitt líkanna en að hinum þremur hefði skolað á land í ölduganginum.

Fólkið sem lést var á fimmtugsaldri en börnin sem þau reyndu að bjarga eru átta og tíu ára.

Börnin munu hafa lent í vandræðum úti á kletti í víkinni en sterkir straumar umlykja klettinn og báru fólkið á haf út. Sumarleyfatíminn er liðinn og því voru engir lífverðir á ströndinni.

• 2 blogg um fréttina

Bloggað um fréttina

• Stefán Friðrik Stefánsson: Sorglegar fréttir frá Portúgal
• María Anna P Kristjánsdóttir: Sorgaratburður á Sagres sem er kallaður Heimsendi...