Einungis fyrir konur

Áætlanir eru uppi um að ákveðnir vagnar í jarðlestakerfi Seúl-borgar í Suður-Kóreu verði einungis ætlaðir konum. Er þetta liður í að koma í veg fyrir kynferðislega áreitni gagnvart konum í jarðlestum, að sögn talsmanns jarðlestafyrirtækis í Seúl.

Tvö fyrirtæki reka jarðlestakerfið í Seúl en alls eru um átta leiðir að ræða innan borgarinnar og úthverfa hennar. Stefnt er að því á næsta ári að á háannatíma geti konur treyst á að ekki séu karlmenn á ferli í ákveðnum vögnum.

Árið 1992 var gerð tilraun með að bjóða upp á kvennavagna í jarðlestum í Seúl en hætta varð tilrauninni eftir nokkra mánuði þar sem gjörsamlega vonlaust var að halda karlmönnum frá vögnunum, að sögn talsmanns jarðlestafyrirtækisins Seoul Metro .

• 2 blogg um fréttina

Bloggað um fréttina

• María Anna P Kristjánsdóttir: Hvað er að þessum mönnum,geta þeir ekki látið þær í …
• Helgi Már Barðason: Karlsvagninn