Ný skilaboð frá Osama bin Laden væntanleg

Hryðjuverkasamtökin al-Qaída tilkynntu í dag að til stæði að gefa út ný skilaboð frá Osama bin Laden, leiðtoga samtakanna. Auglýsing var birt á vefsíðu herskárra íslamista en þar kemur fram að skilaboðin séu einkum ætluð Evrópuþjóðum.

Ekki kemur fram hvenær skilaboðin verða birt eða hvort um er að ræða myndbandsupptöku eða hljóðupptöku.

Bin Laden lét síðast í sér heyra þann 11. september síðastliðinn, en þá minntist hann þess að sex ár voru þá liðin frá hryðjuverkaárásunum í Bandaríkjunum. Þá hvatti hann til þess að aðrir fylgdu í fótspor „píslarvottanna" sem frömdu árásirnar.

• 2 blogg um fréttina

Bloggað um fréttina

• Inga Lára Helgadóttir: Af hverju í ósköpunum þurfum við að þola svona lið.....
• Guðrún María Óskarsdóttir.: Mikið lifandis skelfingar ósköp mættu íslenskir fjölmiðlar sleppa frásögnum af …