Edmund Hillary látinn
Setja bókamerki
Edmund Hillary, sem fyrstur manna kleif Everestfjall, lést í dag, 88 ára að aldri. Helen Clark, forsætisráðherra Nýja-Sjálands, skýrði frá þessu í Wellington í kvöld. Hillary hafði átt við vanheilsu að stríða síðustu árin.
Hillary komst á tind Everest 29. maí árið 1953 ásamt Sherpanum Tenzing Norgay. Hillary vann síðar önnur afrek, þar á meðal tók hann þátt í fyrsta ökutækjaleiðangrinum yfir suðurpólinn árið 1958.
„Sir Ed sagðist sjálfur vera venjulegur Nýsjálendingur með venjulega hæfileika. En í raun og veru var hann risi," sagði Clark í yfirlýsingu. „Hann var hetja sem sigraðist ekki aðeins á Everest heldur lifði lífinu af einbeitni, lítillæti og manngæsku."
Clark sagði að Hillary væri þekktasti Nýsjálendingur, sem uppi hefur verið en hann hefði einnig verið afar alþýðlegur og þekktur fyrir hreinskilni og heiðarleika. „Nýsjálendingar munu syrgja hann mjög," sagði hún.
Hæstiréttur staðfestir vanhæfi alls Landsréttar
Segjast ekki vera á kaldri slóð
Hafa „ágætis tíma“ til úrbóta
Myndskeið: Segjast hafa skotið niður sprengjuflugvél
Bjarkey stendur við skammarbréf Svandísar
Færa slökkviliðið til nútímans
„Búið að vera í dreifingu í einhvern tíma“