Milljón Íraka hafa látið lífið af völdum stríðsins
Setja bókamerki
Yfir milljón Íraka hefur týnt lífi í stríðinu síðan 2003 þegar Bandaríkjaher gerði innrás í landið.
Samkvæmt tölum nýrrar könnunar á vegum Opinion Research Business (ORB) og Independent Institute for Administration and Civil Society Studies (IIACSS) hefur fimmtungur íraskra heimila misst að minnsta kosti einn fjölskyldumeðlim á tímabilinu mars 2003 til ágúst 2007 vegna átaka.
Niðurstöður könnunarinnar eru byggðar á viðtölum við 2414 Íraka og upplýsingum um síðasta manntal í landinu sem gefa til kynna að 4,05 milljónir heimila séu í landinu.
„Við gerum ráð fyrir að á tímabilinu hafi 1.033.000 manna látist af völdum átaka," segir í yfirlýsingu frá ORB.
Hæsta hlutfall látinna í landinu er í Bagdad þar sem meira en 40% heimila hafa misst fjölskyldumeðlim í stríðinu.
„Á réttri leið en nokkuð í land ennþá“
Æskuvinur Íslendings myrtur í Noregi
Gígbarmurinn hækkað frá því í gær
Vélsleðaslys: Þyrlan kölluð út á mesta forgangi
Árshátíð ríkislögreglustjóra haldin í Tékklandi
Skiptir miklu meira máli en fólk grunar