Danski múslímaklerkurinn Abdul Wahid Pedersen hefur varað við því að  tryggð múslíma við heimalönd þeirra minnki finnist þeim vera brotið á réttindum sínum þar. Þetta kemur fram á fréttavef Jyllands-Posten.

„Þegar fólki finnst það ekki tilheyra dönsku samfélagi missir það tryggðina við það. Við það brestur eitthvað og þá fara sumir að haga sér eins og við höfum séð fólk gera víðs vegar um landið að undanförnu.” segir hann. Þá segir hann ungmennin sem staðið hafi fyrir skemmdarverkum í Danmörku að undanförnum mörg koma út brotnum fjölskyldum sem margar hverjar hafi komið til Danmerkur frá stríðssvæðum. Það sé því mikil einföldun að skella skuldinni á foreldra þeirra og krefja þá um aðgerðir.

Pedersen segist einnig skilja vel reiði múslíma vegna teikningamálsins sem talið er hafa átt stóran þátt í því að óeirðirnar að undanförnu hafa orðið jafn miklar og raun ber vitni.  „Múhameðsteikningarnar minna mest á háðsteikningar af gyðingum sem birtar voru ”Der Stürmer”. Ég er alls ekki sáttur við þetta,” segir hann. „Ég var um tíma skólastjóri. Þá þurfti ég stundum að kalla nemendur inn á skrifstofu til mín og útskýra fyrir þeim að það væri ekki í lagi að leggja aðra í einelti. Hvað er einelti? Það er háð og spott og að er einmitt það sem Flemming Rose, menningarritstjóri Jyllands-Postens, notaði sem röksemdafærslu fyrir birtingu teikninganna. Múslímar áttu að þola háð og spott. Það er ekki liðið að börn séu lögð í einelti. Því ætti dagblöðin að hafa leyfi til þess?”