Frönsk matargerðarlist verði skráð sem menningarverðmæti

Nicolas Sarkozy sést hér strjúka nauti á landbúnaðarsýningunni í dag.
Nicolas Sarkozy sést hér strjúka nauti á landbúnaðarsýningunni í dag. Reuters

Nicolas Sarkozy Frakklandsforseti vill að frönsk matargerðalist verði skráð sem menningarverðmæti á hjá Menningarmálastofnun Sameinuðu þjóðanna, UNESCO. Þetta sagði forsetinn við opnun árlegrar landbúnaðarhátíðar í París í dag.

„Landbúnaður og þau störf sem verða til vegna hans er uppsprettan í fjölbreytileika franskrar matargerðarlistar. Þetta er mikilvægur hluti okkar þjóðararfs. Þess vegna vil ég að Frakkland verði fyrsta þjóðin sem mun sækjast eftir því hjá UNESCO að okkar hefðir í matargerð verði viðurkenndar sem menningaverðmæti á heimsmælikvarða,“ sagði Sarkozy.

„Frönsk matargerðarlist er sú fremsta í heiminum,“ lýsti hann jafnframt yfir.

mbl.is

Bloggað um fréttina

Fleira áhugavert
Fleira áhugavert