Fiona MacKeown, móðir bresku stúlkunnar Scarlett Keeling sem myrt var í Goa á Indlandi í febrúar, hefur fengið vopnaða lögregluvernd eftir að henni var hótað. MacKeown hefur barist fyrir því að fá mál dóttur sinnar rannsakað og sakað yfirvöld á staðnum um að reyna að hylma yfir það sem raunverulega gerðist. Þetta kemur fram á fréttavef CNN.

Þá hefur meinafræðingurinn sem krufði lík Scarlett verið vikið frá störfum en hann hélt því fram að hún hefði drukknað af slysförum er hún var undir áhrifum áfengis og fíkniefna. Seinni krufning leiddi hins vegar í ljós að henni hafi verið nauðgað og að síðan hafi höfði hennar verið haldið ofan í vatni í allt að tíu  mínútur. Kókaín, morfín og fleiri fíkniefni fundust í líkama hennar.

MacKeown, sem lifir mjög óhefðbundnu lífi hefur verið harðlega gagnrýnd fyrir það í Bretlandi að skilja stúlkuna sem var fimmtán ára eftir í Goa meðan hún ferðaðist í nálægu héraði. Hún segir stúlkuna hins vegar hafa dvalið hjá fólki sem hún hafi talið sig geta treyst fyrir henni.