Osama bin Laden, leiðtogi al-Qaeda, segir í ávarpi sem birt er í dag á vefsíðu sem samtökin hafa oft notað, að þau muni halda áfram heilögu stríði sínu gegn Ísrael og bandamönnum þess uns Palestína hafi verið frelsuð.
Bin Laden segir ennfremur í ávarpinu, að baráttan fyrir málstað Palestínu sé mikilvægasti hvatinn að stríði al-Qaeda gegn Vesturlöndum, og hafi verið ástæða hryðjuverkanna 11. september.
Ávarp bin Ladens er tæplega 10 mínútna langt. Ekki hefur verið staðfest að það sé ófalsað.