Breskir þingmenn höfnuðu því í atkvæðagreiðslu á breska þinginu í morgun að stytta tímatakmarkanir varðandi fóstureyðingar úr 24 vikum frá getnaði í 22 vikur. Þetta kemur fram á fréttavef BBC. 

Þingmönnum höfðu verið gefnar frjálsar hendur í atkvæðagreiðslu um málið og greiddu 304  þingmenn atkvæði með óbreyttum lögum en 233 þingmenn atkvæði með því að þrengja tímatakmörkin.

Einnig voru greidd atkvæði um frumvarp Naine Dorries, þingmanns Íhaldsflokksins, um að tímatakmarkanirnar yrðu þrengdar niður í 20 vikur. 332 þingmenn greiddu atkvæði gegn frumvarpi hennar en 190 þingmenn greiddu atkvæði með því.

„Efri takmörkin fyrir fóstureyðingum voru sett við 24 vikur á þinginu árið 1990 þar sem vísindaleg rök lágu fyrir því að þar liggi ákveðinn þröskuldur varðandi aukna virkni fóstra og þess að eftir 24 vikur aukast lífslíkur þeirra mjög,“ sagði hún. „Þetta var það sem lá fyrir árið 1990 og það er enn það sem fyrir liggur.”

Tímatakmörk á fóstureyðingum eru tólf vikur víðast hvar í Evrópu .