Breskur þingmaður hefur kallað eftir sterkari viðbrögðum við nærveru Roberts Mugabe á alþjóðlegri matvælaráðstefnu í Róm. Mugabe hefur sneitt hjá ferðabanni til ESB ríkja þar sem ráðstefnan er haldin undir merkjum Sameinuðu Þjóðanna.

Samkvæmt The Guardian hefur breski íhaldsmaðurinn Neil Parish sem er þingmaður á Evrópuþinginu krafist þess að íhuga ætti refsiaðgerðir gegn Zimbabwe þar sem aðgerðir á borð við ferðabann stjórnenda landsins virki ekki.

„Landið er búið undir það, Morgan Tsvangirai (leiðtogi stjórnarandstöðunnar) sigraði í einum kosningum en hefur verið neitað um gildistöku þeirra. Það er mikið um hrossakaup og hræðsluáróður og morð," sagði Parish.

Hann bætti því við að það kæmi sérstakleg við kaunin á honum að Mugavbe væri staddur í Róm á matvælaráðstefnu þar sem hann bæri ábyrgð á að svelta fólkið í landinu með því að hrekja hvíta bændur af jörðum sínum.