Michelle Obama

Almenningur í Bandaríkjunum er ekki sérlega hrifinn af Michelle Obama, eiginkonu Baracks Obama forsetaframbjóðanda bandarískra demókrata, samkvæmt nýrri skoðanakönnun Associated Press og Yahoo! News . Áberandi er hversu mikill munur er á afstöðu svartra og hvítra Bandaríkjamanna til hennar.

Samkvæmt könnuninni segjast 30% aðspurðra kunna vel við Michelle en 35% segjast ekki kunna við hana.

Fólk virðist ekki hafa jafn sterkar skoðanir á Cindy McCain, eiginkonu John McCain, forsetaframbjóðanda repúblíkana, en hún er þó mun betur liðin af þeim sem hafa myndað sér skoðun á henni en Michelle. Segjast 27% aðspurðra vera hrifnir af henni en 17% segjast ekki vera það.

Fram kemur við  greiningu gagnanna að 18% hvítra segjast kunna illa við Michelle. 80% svartra segjast hins vegar vera mjög hrifnir af henni. Þá kemur fram að hún er mun vinsælli meðal einhleypra, vel menntaðra einstaklinga en giftra einstaklinga með minni menntun. Einnig er hún vinsælli meðal yngri kjósenda en eldri. Svipuð fylgni er á illi þessara þátta og vinsælda Cindu McCain en þar snýst þó dæmið algerlega við.

 56% segjast hins vegar hafa litla hugmynd um það hvaða mann  Cindy McCain hafi að geyma en 34% segja það sama um Micelle obama.

Könnunin var gerð á meðal 1.759 fullorðinna einstaklinga á tímabilinu 13 til 23 júní. og eru skekkjumörk hennar 2,3%. Tekið var tillit til kynþáttar og stjórnmálaskoðana fólks við val í úrtak.