Sérfræðingar við Harvard háskóla í Bandaríkjunum staðhæfa að tóbaksframleiðendur framleiði sígarettur með myntubragði til að höfða til ungamenna sem eru að byrja að reykja. Talsmenn tóbaksframleiðenda vísa þessu þó alfarið á bug. Þetta kemur fram á fréttavef Jyllands-Posten. Fram kemur í grein sérfræðinganna, sem birt er í fagtímaritinu American Journal of Public Health, að mintubragðið mildi rammt tóbaksbragðið og geri það að verkum að að reykingafólk geti því innbyrt meira af nikótíni en ella. Þá staðhæfa þeir að ýmsar tegundir myntu hafi verið prófaðar til að finna hvaða tegund virkaði best á hvaða aldurshóp.„Árum saman hefur tóbaksiðnaðurinn notað myntu, ekki bara til að höfða til ungra einstaklinga heldur einnig til að halda í eldra reykingafólk,” segir  Howard Koh. Prófessor við Harvard háskóla.

Í skýrslu sérfræðinganna, sem byggð er á neytendakönnunum og rannsóknum á tölfræðilegum upplýsingum um tóbaksiðnaðinn, er hvatt til þess að reglur um aukaefni í sígarettum verði hertar.

Samkvæmt könnun þeirra vilja 43,8% reykingafólks á aldinum 12- 17 ára heldur myntusígarettur en aðrar sígarettur en 35,6% fólk á aldrinum 18-24 ára vilja heldur myntusígarettur.

„Við erum algerlega ósammála þeirri niðurstöðu sérfræðinganna að mynta sé notuð til að stækka neytendahópinn. Við höfum engar sannanir séð fyrir því. Ólíkum gerðum sígaretta sem við framleiðum, þar á meðal myntusígarettum, er ætlað að höfða til  mismunandi bragðsmekks fullorðinna reykingamanna,” segir talsmaður Philip Morris, sem m.a. framleiðir  Marlboro sígarettur.

 „Okkur finnst ekki að börn eigi að reykja og markaðssetning okkar miðar að því að hún höfði ekki til annarra hópa en þeirra sem henni er ætlað að beinast að."