Bretinn John Darwin var í dag dæmdur í 6 ára og 3 mánaða fangelsi fyrir fjársvik með því að hafa sviðsett dauða sinn í róðrarslysi og gera eiginkonu sinni þannig kleift að innheimta líftryggingabætur. Eiginkonan, Anne, var dæmd í 6½ árs fangelsi. John fékk vægari dóm vegna þess að hann játaði á sig sakir. 

John Darvin, 57 ára, og Anne Darvin, 56, voru fundin sek um fjársvik og peningaþvætti. Þau sviðsettu dauða Johns árið 2002 og innheimtu í kjölfarið tryggingabætur. Hjónin leyndu tvo syni þeirra hinu sanna en undirbjuggu að hefja nýtt líf í Panama.

Málið komst upp í desember sl. þegar John gekk inn í lögreglustöð í Lundúnum og sagðist þjást af minnisleysi. En allt komst upp eftir að dagblað birti mynd af hjónunum, sem tekin var í Panama árið 2006. 

Anne viðurkenndi að hafa aðstoðað John við að sviðsetja dauða sinn og innheimta bæturnar. Hún fullyrti hins vegar að eiginmaður hennar hefði beitt hana þvingunum. Þær fullyrðingar þótti ekki eiga við rök að styðjast þar sem við réttarhöldin voru birtir ástríkir tölvupóstar frá Anne til Johns. 

Anne Darwin. Reuters