Draugabærinn New Orleans
Setja bókamerki
Borgarstjóri New Orleans biðlaði í dag til allra þeirra sem ekki hafa forðað sér út úr borginni að gera það sem fyrst. Um leið tilkynnti hann um útgöngubann í borginni í nótt og að þeir sem brytu af sér yrðu fangelsaðir. Flestir hafa farið að óskum borgaryfirvalda og minnir borgin helst á draugabæ.
Bendir flest til þess að fellibylurinn Gustav herji á borgina innan sólarhrings og gera borgaryfirvöld allt sem í þeirra valdi stendur til þess að koma í veg fyrir að óreiðan og öngþveitið sem fylgdi í kjölfar fellibylnum Katrínu fyrir þremur árum endurtaki sig.
„Þjófar verða sendir beint í fangelsi. Þið munið ekki sleppa í þetta skiptið," sagði borgarstjóri New Orleans, Ray Nagin, í dag. Svo virðist sem flestir taki orð borgarstjórans alvarlega og hafi yfirgefið borgina. Hefur umferðarstefnum verið breytt á þann veg að allar leiðir liggja út úr borginni en engin inn í New Orleans og er bíll við bíl á hraðbrautinni. Verslunum, hótelum og veitingastöðum hefur verið lokað og búið að byrgja glugga.
En það eru ekki bara íbúar New Orleans sem hafa flúið heimili sín því talið er að 90% íbúa strandlengju Louisiana ríkis hafi forðað sér og er þetta mesti brottflutningur í sögu ríkisins.
Árshátíð ríkislögreglustjóra haldin í Tékklandi
Vona að Orkustofnun veiti ekki virkjunarleyfi
„Það þarf að vinna mikinn fjölda upp“
Æskuvinur Íslendings myrtur í Noregi
„Hvílir mikil leynd yfir þessu öllu“
Skiptir miklu meira máli en fólk grunar