Lögreglan umkringdi og handtók um 200 mótmælendur á fimmtudagskvöldið en þeir hafa mótmælt með göngum og setum kringum ráðstefnuhöllina þar sem Repúblikanaflokkurinn heldur ráðstefnu sína.  Mótmælin fóru fram í kringum þann tíma þegar McCain tók til tilnefningu flokksins.

Meðal hinna handteknu voru nokkrir blaðamenn. Lögreglan skipaði fólki að setjast niður á brúnni sem það var statt á og halda höndunum upp yfir höfuðið meðan það var leitt í burtu, tveir og tveir í einu.

Tveir blaðamenn AP sem voru þarna til að fylgjast með mótmælunum voru handteknir og sektaðir fyrir safnast saman á ólöglegan hátt. Síðan var þeim sleppt.

Lögreglan sagði að ákveðið hefði verið að sekta og sleppa síðan blaðamönnum.

„Allir þeir sem voru handteknir vildu ekki dreifa sér og voru ennþá á brúnni,” sagði lögreglustjórinn í St Paul. „Sú aðferð að stöðva fólkið á brúnni hefur sennilega komið í veg fyrir miklar aðgerðir í kvöld. Það var greinilega mikið af fólki sem ekki hafði hugsað sér að vera löghlýðnir borgarar í kvöld.”

Mótmælendurnir höfðu haldið áfram mótmælum sínum nærri höllinni þrátt fyrir að leyfi til að mótmæla væri útrunnið.

Mótmælin byrjuðu klukkan fjögur við Capitol Mall. Þegar reynt var um klukkustund síðar að ganga frá Capitol Mall að ráðstefnuhöllinni var fólkið stöðvað af lögreglu í fullum búnaði og með gasgrímur.

Tjáði lögreglan fólkinu að leyfi til að mótmæla hefði runnið út klukkan fimm.

Fólkið reyndi að fara yfir tvær mismunandi brýr að höllinni en var stöðvað af lögreglu með snjóplóga og önnur farartæki sem lokaði leiðunum.

Hópurinn skiptist í smærri hópa og sameinaðist svo stundum aftur meðan reynt var til þrautar að komast að höllinni. Sumir voru hópar allt að þúsund manns meðan að í öðrum voru um 500.

Fólkið reyndi að komast að höllinni í þrjár klukkustundir en svo settist um 300 manna hópur niður á miklum umferðarstað og lögreglan lokaði vegunum. Reyksprengjum var kastað og nokkrar höggbylgjuhandsprengjur voru sprengdar. Byrjuðu þá mótmælendur að dreifa sér.

Tveimur klukkustundum síðar byrjaði lögreglan handtökur og voru þeir enn að bóka ákærur og skrifa út sektir þremur klukkustundum síðar.

Mótmælendur voru þó léttir í skapi og voru ánægðir með mótmælin.

Meira en 600 manns voru handteknir í vikunni, flestir á mánudag, þegar ofbeldi braust út eftir göngu gegn stríði.