Wolfgang Amadeus Mozart.

Þegar verið var að fara í gegnum skjalasafn í bókasafni nokkru í Nantes í Vestur-Frakklandi fannst áður óþekkt verk eftir Mozart.

Ulrich Leisinger, yfirmaður rannsókna í alþjóðlegu Mozart-stofnuninni í Salzburg í Austurríki segir að enginn vafi leiki á því að Mozart hafi skrifað þetta. Um er að ræða einstakt blað og Leisinger segir skjalið „mjög mikilvægt“.

Hann lýsti verkinu sem fyrsta uppkasti að tónverki. Að sögn Leisinger var haft samband við Mozart-stofnunina frá bókasafninu til að fá hjálp við að staðfesta að verkið væri eftir Mozart.

Safnari á 19. öld ánafnaði bókasafninu skjalinu á sínum tíma og var blaðið skráð sem hluti af safneigninni.

Um síðir gleymdist skjalið þó algjörlega og var því fræðimönnum tapað í meira en öld. Tónlistin er sögð algjörlega ný. „Skrift Mozart er mjög auðþekkjanleg á skjalinu,“ sagði Leisinger. Enginn vafi leiki á því að þetta sé upprunalegt handskrifað skjal frá Mozart.

Á síðustu 50 árum hafa fundist tíu sambærilega mikilvæg Mozart-verk. Ef ætti að selja þau mundi hvert einstakt blað verða um 100.000 dollara virði, en það samsvarar rúmlega níu milljónum íslenskra króna.

Allt bendir til að Mozart hafi ekki skrifað verkið fyrr en árið 1787. Hann lést árið 1791.