Að minnsta kosti átta óbreyttir borgarar hafa látið lífið í átökum í Mogadishu, höfuðborg Sómalíu, um helgina, þar af sex úr sömu fjölskyldu. Fólkið lést er flugskeyti hafnaði á heimili þess í nótt. Átök brutust út í borginni eftir að ráðist var á tvær varðstöðvar friðargæslulið Afríkusambandsins. Þetta kemur fram á fréttavef BBC. 

"Móðir og fimm börn hennar létu lífið er flugskeyti hafnaði á húsi þeirra,” segir öldungurinn Mohamed Hussein. „Nokkrum mínútum síðar létust tveir nágrannar þeirra, sem höfðu farið á staðinn til að aðstoðar fólkið, er annað flugskeyti hafnaði á húsinu.

Viðræður um vopnahlé standa yfir í nágrannaríkinu Djibouti en vopnahléi var ekki lýst yfir á föstudag eins og gert hafði verið ráð fyrir. Snúast viðræðurnar m.a. um heimkvaðningu eþíópískra hersveita sem verið hafa í Sómalíu frá árinu 2006.

Uppreisnarmenn úr samtökunum al-Shabab eiga ekki aðild að viðræðunum og hafa þau heitið því að fjölga árásum á meðan Ramadan hátíðin stendur yfir