Sænska lögreglan hefur handtekið sextán ára gamlan pilt fyrir ólöglega vopnaeign eftir að hafa fengið upplýsingar um grunsamlegt myndband sem hann hafði sett á YouTube vefinn.

Talsmaður lögreglunnar segir að pilturinn hafi verið handtekinn í Köping í gærkvöldi fyrir ólöglega skotvopnaeign og að skapa öðrum hættu. Lögregla gerði húsleit á heimili piltsins eftir ábendingu um myndskeiðið á YouTube. 

Pilturinn var handtekinn einungis degi eftir að Finninn Matti Saari myrti tíu skólasystkin sín og tók eigið líf í Kauhajoki skólanum. Saari hafði á mánudag verið yfirheyrður af lögreglu vegna myndskeiðs sem hann hafði sett á YouTube vefinn.

Tengdar fréttir

Skotárás í finnskum skóla

Tengsl milli fjöldamorðanna

• Finnskur lögreglumaður í veikindaleyfi
• Eldur borinn að fórnarlömbunum
• „Hann var bara venjulegur strákur“
• Skóla lokað vegna hótunar um árás

» Fleiri tengdar fréttir

• Blogga um frétt