Xie Liu, er aðeins 8 mánaða, en þráist af nýrnarsteinum sökum neyslu á melamíni. STRINGER SHANGHAI

Mjólkurskandallinn í Kína heldur áfram að vinda upp á sig. Nú hafa kínversk yfirvöld fundið efnið melamín í eggjum, en efnið hafði fram að því fyrst og fremst fundist í mjólkurdufti og mjólkurvörum á borð við ís og sælgæti. Danska dagblaðið Politiken greinir frá þessu.

Samkvæmt upplýsingum yfirvalda í Hong Kong fundust seint í gær egg sem innihéldu tvöfalt meira magn af leyfilegu melamíni. Eggin koma frá búi í hafnarbænum Dalian í norðausturhluta héraðsins. 

Að sögn York Chow, matvæla- og heilbrigðisráðherra Hong Kong, er talið að rekja megi melamínmengunina í eggjunum til neyslu hænsnanna á tilbúnum áburði.

Kínversk yfirvöld upplýsti nýverið að alls 36 þúsund börn hafi veikst af melamíneitrun í mjólkurdufti. Fjögur börn hafa látið lítið út af eitruninni og mörg þúsund eru enn í meðferð.

Melamín er efni, sem notað hefur verið hátt í 200 ár, og inniheldur köfnunarefni að 66%. Þess vegna hafa svikahrappar blandað því saman við fóður og mjólk en þá virðast þær afurðir vera prótínríkari en þær eru í raun. Melamín veldur hins vegar nýrnaskaða. Melamín er mikið notað í plasti og þá til að herða það. Þá hefur það verið notað til auka endingu steinsteypu og í alls konar algengar heimilisvörur.