Reuters

Töluverð verðlækkun hefur orðið á matvöru í Danmörku að undanförnu eftir stöðugar hækkanir á undanförnum misserum. Er lækkunin fyrst og fremst rakin til lækkunar á kornverði. Þetta kemur fram á fréttavef Jyllands-Posten.

„Matvælakreppan er að mestu gengin yfir. Verðhækkanirnar sem við sáum á árinu 2007, sérstaklega á kornmeti, eru nú að ganga til baka,” Henning Otte Hansen, sérfræðingur við stofnunina Fødevareøkonomisk Institut.

Hansen hefur reiknað út líkur á þróun matvælaverðs fyrir blaðið  BT og komist að þeirri niðurstöðu að nauðsynjavörur muni lækki um 8-10% á næsta ári hjá fjögurra manna fjölskyldu.

Bent er það í Jyllands-Posten að eldsneytisverð hafi einnig lækkað mikið að undanförnu en að á móti komi að húsnæðisverð hafi hríðfallið og afborganir af lánum aukist.

„Við munum í samræmi  við þessa þróun krefjast þess í komandi samningaviðræðum við birgja okkar að innkaupsverð fyrir árið 2009 verði lækkað segir Jens Juul Nielsen, upplýsingafulltrúi Coop Danmark, sem rekur m.a. verslanirnar  Kvickly, Brugsen, Fakta og Irma.