Scott Pelley er einn fréttamanna 60 Minutes.

Hópur kínverskra verkamanna réðist á fréttamanninn Scott Pelley og tökulið bandaríska fréttaskýringarþáttarins 60 Minutes þegar þeir voru að mynda stöð sem endurvinnur efnaúrgang í Kína. Að sögn CBS News voru Kínverjarnir ekki hressir með það að myndavélar hefðu verið á svæðinu.

Atvikið átti sér stað í júní sl., en fréttin mun birtast í næsta þætti 60 Minutes á sunnudag. Í þættinum verður sýnt frá umræddu atviki.

Fréttamennirnir fylgdu því þegar kassi fullur af tölvuskjáum var fluttur frá Denver til Tacoma í Bandaríkjunum þaðan sem skjáirnir voru fluttir yfir Kyrrahafið til Guiy í Kína. Þar eru rafmagnsúrgangur tekin í sundur. Kínversku verkamennirnir, sem eru með 1.000 kr. í kaup á dag, nota hættuleg efni til að leysa upp plastið svo þeir geti komist að málmunum sem eru inni í tölvuskjánum. Sum efnanna eru krabbameinsvaldandi.

Auk Pelley var framleiðandinn Solly Granatein, aðstoðarframleiðandinn Nicole Young, hljóðmaður og tveir tökumenn með í för. Verkamennirnir köstuðu rafhlöðum í tökuliðið og reyndu að rífa þrífót sem Young hélt á.

Um tugur verkamanna reiddust þegar þeir sáu fréttamennina með myndavélar, en þeim leist illa á að það yrði sýnt hvað þeir væru að gera, segja forsvarsmenn CBS News. Þeir réðust því á fólkið og reyni að taka búnaðinn þeirra.