Mun meira eru um tilboð í verslunum í Danmörku nú en á sama árstíma á undanförnum árum. Sérfræðingar segja að með þessu séu verslunarmenn að bregðast við efnahagsástandinu og reyna að lokka varfærna kaupendur inn í búðir sínar. Þeir eru þó ekki vissir um að þetta muni skila kaupendum fleiri tilboðum þegar nær drengur jólum. Þetta kemur fram á fréttavef Jyllands-Posten.

Michael Skou, sérfræðingur stofnunarinnar Retail Institute Scandinavia, telur ekki að áframhald verði á tilboðunum. „Við erum að horfa á fyrir jóla útsölur,” segir hann. „Margar verslanir bjóða upp á afslætti til að laða að kaupendur. Þetta er algengara nú en almennt í aðdraganda jóla. Veslunraeigendur vilja vera vissir um að þeir þeir geti losnað við vörur, sem þeir hafa í mörgum tilfellum pantað fyrir heilu ári síðan þegar enginn gat séð fyrir þær aðstæður sem nu eru uppi.”

Villy Gravengaard, aðstoðarforstjóri leikfangakeðjanna Fætter BR og Toys R’Us segist ekki eiga von á óvenjumörgum tilboðum á leikföngum fyrir þessi jól.„Það er enn of snemmt að segja til um það, þar sem við erum bara nýbúin að senda út jólabæklingana. Fram til þessa hefur neyslumynstrið að mestu verið sambærilegt við það sem var á síðasta ári,” segir hann.

„Danir hafa fram til þessa hvorki sparað útgjöld sem tengjast jólum né börnum þó þrengt hafi að. Við munu þó fylgjast náið með sölunni og komi í ljós að við höfum keypt of mikið inn þá fara vörurnar að sjálfsögðu á tilboð."

Lars Christensen, forstjóri Bilka, er einnig bjartsýnn á jólaverslunina. „Kaupendur eru mun meðvitaðri um verðið nú en áður. Það sjáum við best á dýrari vörunum,” segir hann.

„Jólagjafirnar verða jafn góðar í ár og á undanförnum árum  en þegar fólk velur sjónvarp í barnaherbergi velur það nú kannski tæki sem kostar 2.000 krónur en ekki tæki sem kostar 3000 krónur eins og á  síðasta ári. Jólin eru þó heill kafli út af fyrir sig. Ár eftir ár kemur jólaverslunin okkur á óvart. Við höfum séð það á fyrri samdráttartímum að fólk nýtir jólin sem tækifæri til sjálfsdekurs.”