Lögregla í Kína rannsakar 21 mann fyrir ofbeldi gegn leigubílstjórum sem vildu ekki taka þátt í verkfallsaðgerðum. Leigubílstjórar hafa mótmælt miklum rekstrarkostnaði og að á götunum séu fjöldi leyfislausra að harka viðskipti.

Ofbeldinu var beitt á ferðamannastaðnum Sanya, á suðurhluta Hainan eyju. Þar eru menn grunaðir um að hafa brotið rúður í bílunum og ráðist á bílstjórana sem neituðu að taka þátt í aðgerðunum á mánudag, samkvæmt kínverska miðlinum Xinhua News Agency.

Aðgerðirnar í Sanya átti að fylgja í kjöfar aðgerða níu þúsund bílstjóra í Chongqing. Í aðgerðunum þar urðu meira en 100 leigubílar fyrir skemmdum ásamt þremur lögreglubílum.

160 leigubílstjórar í Yongdeng, í Gansu-héraði, mótmæltu einnig í gær og voru kröfur þeirra að 700 ólöglegir leigubílar, sem keppa við þá 280 sem hafa leyfi, yrðu stöðvaðir.

Mótmæli verða nú algengari um allt Kína. Óánægja vex vegna bágs viðurværis og opinberrar spillingar.