Átök í Kongó. AP

Hundruð hermanna nauðguðu konum og rændu heimili þegar þeir fóru í gengum fjölda þorpa í austurhluta Kongó. Þeir voru að hörfa undan uppreisnarmönnum, samkvæmt upplýsingum Sameinuðu þjóðanna.

Búist er við því að Angóla sendi hermenn til Kongó. Fulltrúi angólska utanríkisráðuneytisins, Georges Chicoty, gaf ekki upp hversu margir yrði sendir á vettvang eða hvert hlutverk þeira yrði.

Leiðtogar suður Afríkuríkja hittustu á sunnudag og ræddu um að senda herlið til að styrkja kongólska herinn nálægt Góma. Borgin hefur verið umkringd uppreisnarmönnum hliðhollum liðhlaupanum Laurent N kunda. Þeir hafa sagst ætla að berjast við hvern þann herflokk sem hyggst styrkja herinn í Kongó.

Chicoty sagði frá liðstyrknum eftir að hafa fundað í Brussel með utanríkisráðherrum Evrópu á þriðjudag. Hann sagði angólsku hersveitirnar verða undir eftirliti Evrópusambandsins og bandalags ríkja suðurhluta Afríku.

Fréttamaður AP fréttastofunnar segist þegar hafa séð hermenn sem hann telur frá Angóla í Kongó, en Sameinuðu þjóðirnar segist ekki hafa fengið staðfest að angólskar hersveitir séu þar þegar.

Talið er að þátttaka angólska hersins verði talin ógna Rúanda. Menn hræðist að átökin nái yfir landamæri Kongó og inn í Rúanda.

Talsmaður friðargæsluliða Sameinuðu þjóðanna, Jean-Paul Dietrich, staðfestir að hermenn Kongó hafi nauðgað íbúum nálægt Kanyabayonga, sem er um 100 kílómetra norður af Góma. Talið er að 700 til 800 hundruð hermenn hafi gengið berserksgang í bæjum í kringum Kanyabayonga.

Þá hafa sprengjuvörpur verið notaðar við Kibati, um tíu kílómetrum norður af Góma. Um 75 þúsund hafa flúðið átökin þar.

Öryggisráð Sameinuðu þjóðanna hittist á þriðjudag. Erindrekar öryggisráðsins segja það um það bil við að samþykkja að þrjú þúsund friðargæsluliðar aukalega verði sendir til Kongó. Þá verða um 17 þúsund friðargæsluliðar í landinu.

Ban ki-Moon, aðalritari Sameinuðu þjóðanna, óskaði eftir friðargæsluliðunum þrjú þúsund fyrir meira en mánuði til að verja landsmenn.

Nú hræðast menn að sóttfaraldur geti breiðst út. 90 hafa greinst með kóleru í kringum Góma síðan á föstudag. 1000 hafa greinst með hana síðan í byrjun október.