Baby P. sem samkvæmt úrskurði dómara hefur ekki verið nefndur. AP

George Meehan, yfirmaður félagsþjónustunnar Haringey Council í London hafnaði í gær kröfum um að hann segði af sér vegna mistaka sem leiddu til dauða sautján mánaða drengs á síðasta ári. Meeham baðst innilega afsökunar á málinu í gær og sagði allar eftirlitsstofnanir hafa brugðist barninu. Þetta kemur fram á fréttavef BBC.

Mál barnsins, sem nefnt er Baby P. hefur vakið mikla reiði Bretlandi en við krufningu kom í ljós að  barnið hafði hlotið fimmtíu áverka er það lést. Fulltrúar barnaverndaryfirvalda höfðu hitt það sextíu sinnum og tveimur dögum áður en það lést hafði læknir skoðað það án þess að taka eftir því að það  var með brotið bak og sex brákuð rifbein. Þá var greint frá því í gær að þrír læknar hefðu varað við því að vísbendingar væru um að barnið byggi við ofbeldi.

Barnið fannst látið í blóðugu rúmi sínu en dánarorsök hans var bólga við heila.  

Kynntar voru nýja reglur um framkvæmd barnaverndareftirlits í Bretlandi í gær en Meehan viðurkenndi á borgarafundi í gærkvöldi að þær hefðu ekki nægt til að koma í veg fyrir dauða drengsins. Gerð voru hróp að honum á fundinum og kölluðu viðstaddir m.a. Hversu mörg börn til viðbótar þurfa að deyja.

Eftirlit með Victoriu Climbie var einnig á ábyrgð Haringey Council er hún lést en dauð hennar þykir einn sá óhuggulegasti sem sögur fara af í Bretlandi. Nú er því hins vegar haldið fram að ofbeldið sem Baby P bjó við hafi jafnvel verið enn hrottalegra.