Lögreglu og slökkviliðsmenn við Taj Mahal hótelið í Mumbai. Reuters

Shivraj Patil, ráðherra innanríkismála á Indlandi, hefur afhent Manmohan Singh, forsætisráðherra landsins, uppsagnarbréf sitt en með afsögn sinni segist hann vilja axla siðferðislega árás á atburðunum í Mumbai undanfarna daga. Hátt í 200 manna haf látið lífið í borginni frá því öfgamenn réðst á tvö hótel og nokkra fleiri staði í borginni á miðvikudag. Þetta kemur fram á fréttavef BBC. 

Yfirvöld á Indlandi sæta nú harðri gagnrýni fyrir það hvernig að aðgerðum gegn hryðjuverkamönnunum var staðið. Þá hafa þau verð krafin um skýringar á því hvernig þær gátu átt sér stað og uppreisnarmenn haldið borginni í helgripum jafn lengi og raun var á. 

Útlit er fyrir að einungis tíu áráarmenn hafi verið að verki en auk hótelanna höfðu þeir járnbrautarstöð, samkomuhús gyðinga og sjúkrahús á sínu valdi. Staðfest hefur verið a 22 útlendingar séu í hópi hinna látnu. 

Shah Mahmood Qureshi, utanríkisráðherra Pakistans, segir samskipti ríkjanna mjög stirð í kjölfar málsins en að hann vonist til að henni létti þegar betur kemur í ljós hvað raunverulega átti sér stað. 

Manmohan Singh, forsætisráðherra Indlands, hefur sagt að svo virðist sem árásarmennirnir hafi haft bækistöð í Pakistanen eini eftirlifandi tilræðismaðurinn er Pakistani. Óstaðfestrar fréttir herma að hann staðhæfi að hópurinn sem kallaði sig  Deccan Mujahideen hafi hlotið þjálfun pakistönsku leyniþjónustunnar, Lashkar-e-Toiba. Hópurinn var síðan bannaður árið 2002 að kröfu Bandaríkjamanna.