Mikill meirihluti Bandaríkjamanna er ánægður með störf Barack Obama frá því hann var kjörinn næsti forseti Bandaríkjanna. samkvæmt nýrri könnun The Wall Street Journal og NBC eru 71% bandarískra kjósenda ánægðir með störf hans að undirbúningi valdatöku sinnar.

Er þetta meiri ánægja en mældist með störf Bill Clintons í aðdraganda valdatöku hans árið 1992 og George W. Bush árið 2000.67% þátttakenda í könnuninni segjast vera mjög ánægðir með störf hans og 4%  segjast vera nokkuð ánægðir með störf hans.

Þá segjast 80% aðspurðra telja að hann muni bæta ímynd Bandaríkjanna út á við. 73% segjast telja að honum muni takast að snúa efnahagsmálunum til betri vegar og 70% telja að hann muni kalla bandaríks herliði heim frá Írak innan 16 mánaða.

77% segjast hins vegar eiga von á því Obama bíði stærri vandamál en annarra forseta Bandaríkjanna á síðustu áratugum.

Samkvæmt könnuninni hefur Obama unnið 29% þeirra sem kusu keppinaut hans John McCain, frambjóðanda repúblíkana, á sitt band.

Könnunin var gerð meðal 1.009 einstaklinga sem hafa kosningarétt og eru skekkjumörk hennar  3,1%.