Ehud Olmert, forsætisráðherra Ísraels.

Ehud Olmert, forsætisráðherra Ísraels, segir ekki koma til greina að gefa eftir nein landsvæði til Palestínumanna á meðan á árásir Ísraelshers gegn Hamas-samtökunum standa yfir. Einkum segir hann ekki koma til greina að gefa eftir landsvæði í norðurhluta Ísraels en átök hafa einkum átt sér stað í suðuhlutanum. Í norðurhlutanum eru landamærin við Vesturbakann en þar hafa oft brotist út hörð átök, og er skemmst að minnast harðra átaka Ísraelshers við Hizbollah-samtökin á sumarmánuðum 2006 en í þeim létust næstum 1.200 manns.

Af Gaza-svæðinu til svæða í sunnaverðu Ísraelsríki hafa eldflaugaárásir Hamas-liða verið hvað mestar og beinist mesti þunginn í sókn Ísraelshers að Gaza-svæðinu. Olmert segir að enginn geti búist við því að einhver slaki verði gefinn á öðrum vígstöðum þrátt fyrir það. „Það þarf að fara að öllu með gát, og þess vegna hef ég gefið fyrirmæli um varnir okkar á landamærum sé stöðugar og þá helst vakandi fyrir því, ef einhver heldur að það sé hægt að nýta sér staðbundin átök til ná fram einhverju á kostnað Ísraels. Það yrði ógnun við þann stöðuga veruleika sem áður hefur áunnist.“

Innrás Ísraelshers á Gaza-svæðið miðar að því að koma í veg fyrir að flugskeytaárásir Hamas-liða. Mikil sókn ísraelska hersins hófst fyrir um átta dögum með loftárásum og sérhæfðum aðgerðum sérsveita á jörðu niðri. Um 460 manns hafa látið lífið. 456 Palestínumenn og fjórir Ísraelsmenn, samkvæmt AFP-fréttastofunni. Nákvæmar tölur yfir látna eru þó nokkuð á reiki þar sem hörð átök eru enn á Gaza-svæðinu. Talið er að á þriðja þúsund hafi særst, þar af um þúsund alvarlega.