Fosfórský á Gasasvæðinu?

Frá mótmælafundi stuðningsmanna Palestínumanna í París í Frakklandi í dag.
Frá mótmælafundi stuðningsmanna Palestínumanna í París í Frakklandi í dag. AP

Mannréttindasamtökin Human Rights Watch hafa sakað Ísraela um að nota hvítan fosfór í hernaðaraðgerðum sínum á Gasasvæðinu og varað við því að slíkt geti haft skaðleg áhrif á íbúa nærliggjandi svæða. Þetta kemur fram á fréttavef Ha’aretz. 

Óstaðfestar sögusagnir hafa gengið um notkun efnavopna í hernaði Ísraela á Gasasvæðinu en engar staðfestingar hafa fengist á slíku. Í yfirlýsingu samtakanna segir hins vegar að sýni úr skotfærum sem Ísraelar notuðu í nágrenni borganna Gasa og Jabalya 9. og 10. janúar bendi til þess að hvítt fosfór hafi verið í þeim. 

Hvítt fosfór er ekki skilgreint sem efnavopn í stríði og segir sérfræðingur samtakanna að svo virðist sem efnið sé notað til að mynda reyk til að skýla ísraelskum hermönnum. Slíkt er leyfilegt samkvæmt alþjóðlegum lögum en samtökin segja það þó mjög varhugavert á svo þéttbýlu svæði sem Gasasvæðið sé. 

"Hvítt fosfór getur brennt niður hús og valdið miklum húðbruna þegar það kemst í snertingu við húð,” segir Marc Garlasco, sérfræðingur samtakanna en efnið er mjög eldfimt og erfitt að slökkva eld sem kemst í það.

Talsmaður Ísraelshers segir ekki greint frá því hvers lags vopn Ísraelsher noti í hernaðaraðgerðum sínum en leggur áherslu á að herinn noti einungis vopn sem heimiluð séu samkvæmt alþjóðalögum.  Ísraelsher hefur áður staðfest að efnið hafi verið notað í Líbanon árið 2006. Þá hefur Bandaríkjaher staðfest að það hafi verið notað í hernaðaraðgerðum í borginni Falluja í Írak árið 2006.

mbl.is

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

Lok á heita potta og hitaveitu- skeljar
Lok á heita potta og hitaveitu- skeljar Stærðir í cm: 200x200, 210x210, 220x220,...
Nudd Nudd Nudd
Relaxing Massage Down Town Reykjavik. S. 6959434, Alina....
 
Verkefnisstjóri
Stjórnunarstörf
Verkefnisstjóri Stjór...
Aðalskipulag
Tilkynningar
Lýsing breytingar Aðalski...
L helgafell 6017101819 iv/v
Félagsstarf
? HELGAFELL 6017101819 IV/V Mynd af ...
Rýmingarsala
Til sölu
Rýmingarsala á bókum um helgina 5...