Lögregla á slysstað nærri Hoover stíflunni RICHARD BRIAN

Sjö kínverskir ferðamenn létust í Bandaríkjunum í gærkvöldi þegar rúta á leið í Miklagljúfur, Grand Canyon í Arizona, valt út af veginum. Farþegarnir sjö sem létust köstuðust allir út úr rútunni þegar slysið átti sér stað, en auk þeirra eru a.m.k. 10 alvarlega slasaðir, þ.á.m. bílstjórinn.

Rannsókn er nú hafin á því hvernig slysið bar að. Ferðamennirnir, sem voru saman í hóp frá Shanghai, voru á leið aftur á vinsælli ferðamannaleið frá Miklagljúfri til Las Vegas þegar rútan valt nærri Hoover stíflunni. Fólk sem snæddi kvöldmat á veitingastað skammt frá þusti á slysstaðinn þegar það heyrði hávaðann, en við björgunaraðgerðir gekk ill að hafa samskipti við ferðamennina þar sem þeir töluðu takmarkaða ensku. Nokkrir voru fastir undir rútunni.

Yfirvöld í Shanghai vinna nú að því í samvinnu við lögreglu í Las Vegas að bera kennsl á líkin. Bandaríska rútufyrirtækið, D.W. Tours, hefur ekki látið í sér heyra vegna slyssins.