Frá átökum fyrir utan miðstöð múslima í Rosenberg í Svíþjóð Reuters

Sænski ríkislögreglustjórinn, Bengt Svenson, hefur heitið því að fram fari óháð rannsókn á æfingu lögreglumanna þar sem einhverjir lögreglumannanna eru sakaðir um kynþáttahatur. Segir Svenson að hegðun nokkurra lögreglumanna á æfingunni sem fram fór í Malmö sé óafsakanleg og óásættanleg.

Ásakanir um að sænska lögreglan beiti kynþáttahatri eru ekki nýjar af nálinni. Í síðustu viku ákvað ríkissaksóknari að ákæra ekki þrjá lögregluþjóna frá Skáni fyrir brot í starfi en á myndbandi sést er þeir sýna innflytjendum í Malmö fyrirlitningu í uppþoti í Rosemberg innflytjendahverfinu í desember. Uppþotið tengdist því að íslamskri miðstöð var lokað í hverfinu. Eigandi byggingarinnar ákvað að framlengja ekki leigusamningnum við miðstöðina þar sem meðal annars var mosku að finna og fyrirskipaði þeim að hafa sig á brott úr húsinu. Ungt fólk mætti fyrir utan bygginguna til að mótmæla og þegar lögregla mætti á svæðið sauð upp úr, samkvæmt frétt BBC í dag.