Þyrla hrapaði í Dóná

Framkvæmdastjóri verktakafyrirtækis lést og tveir menn særðust þegar þyrla sem þeir ferðuðust með hrapaði í Dóná í Búdapest, höfuðborg Ungverjalands í dag.

Verktakafyrirtækið var að byggja sögunarverksmiðju í suðurhluta Búdapest og hafði tekið þyrluna á leigu til að taka myndir úr lofti af byggingarstaðnum. Um borð í vélinni voru flugmaðurinn, ljósmyndari og framkvæmdastjóri fyrirtækisins, sem lést í slysinu. Verkamenn á byggingarstaðnum björguðu hinum tveimur úr flaki þyrlunnar, sem var af gerðinni Robinson R44.

• 1 blogg um fréttina

Bloggað um fréttina

• Ólafur Björn Ólafsson: Fyrir þá forvitnu!